Deputeti Zafir Berisha e ka cilësuar si të çuditshëm faktin se krerët e shtetit nuk po merren me zhvillimet në Kosovë. Berisha ka përmendur ngritjen e përmendores së Car Llazarit si dhe ndërtimin e lagjes ‘Lugina e Deillit” në veri.
Deklarata e plotë e deputetit Berisha:
Ndërtimin i lagjes “Lugina e Diellit”, ngritja e përmendores së Car Llazarit, provokimi i Jablanoviqit në Koshare, fjalimet denegruse për Kosovën nga ministrat e qeverisë Mustafa që vijn nga “Lista Serbska” si dhe notë protesta e Malit Zi janë disa nga veprimet e ditëve të fundit që janë në funksion të acarimit te marrëdhënieve ndërnacionale dhe rrezikojnë sigurinë në vend dhe rajon edhe ashtu të brishtë.
Heshtja e qeveritarëve dhe sjellja e tyre sikurse nuk po ndodhë asgjë, me të drejt të bën të dyshosh se cili është misioni i tyre në ekzekutivin e vendit.
Qytetarët vërtet durojnë shumë por me një moment dinë edhe të reagojnë por atëherë mund të jetë vonë për institucionet dhe mund të merremi vetëm me pasojat e reagimit qytetar sikurse në marsin e 2004 kur qytetaret duke pa neglizhencën dhe heshtjen e institucioneve të vendit karshi veprimit kriminal e terrorizues të elementit nacionalist serb.
Isa, Kadria e Hashimi nuk duhet të paraqiten se në Kosovë s,po ndodhë asgjë dhe çdo gjë është “ok”. Veproni në përputhje me ligjet dhe Kushtetutën në fuqi sepse nesër mund të jetë vonë për ju dhe për Kosovën.