Zyrtarët irakianë thonë se të pakën 79 persona janë vrarë nga një sulm me makinë-bombë, kryer nga Shteti Islamik, në qendër të kryeqytetit Bagdad.
Të dhënat për numrin e personave të vrarë janë konfirmuar nga policia dhe zyrtarët e spitalit.
Në një postim në Internet, ISIS ka marrë përgjegjësinë për këtë sulm, që ka ndodhur sot herët në mëngjes.
Me këtë sulm u goditën familjet dhe të rinjtë, ndërsa bëheshin përgatitje për përfundimin e muajit të shenjtë të Ramazanit.