Në 33 gradë celsius do të mbërrijë sot maksimalja e temperaturave mbi Kosovë.
Prizreni dhe Gjakova do të kapin këtë maksimale, deri në Prishtinë, Pejë, Gjilan e Mitrovicë temperatura do të arrijë në 32 gradë Celsius, njofton Instituti Hidrometeorologjik i Kosovës.
Për një gradë më pak, temperaturat maksimale do të kapin shifrat në Podujevë e Ferizaj (31).
E minimalet për ditën e sotme nuk do të bien nën 14 gradë. Këtë minimum e prekin Mitrovica e Ferizaj, derisa në Prishtinë, Pejë, Podujevë, Gjilan e Gjakovë ato do të jenë deri në 15 gradë Celsius. Prizreni nuk do të bjerë nën 16 gradë Celsius.