Deputeti nga Nisma për Kosovën, Zafir Berisha, mendon se për vetë faktin se deri më tani nuk ka pasur ndonjë arrestim të të ashtuquajturve ‘Peshqve të mëdhenj’, siç po quhen krerët e institucioneve që janë të korruptuar dhe që për këtë, sipas tij, tanimë edhe qytetari më i thjeshtë e di, tregon se politika i ka implikuar gishtat në drejtësi.
Ai këtu ka përmendur edhe rastin Ramadan Mujës, i cili edhe publikisht është proceduar, ku siç tha “i cili për 3 apo 4 vite zhagitet nga shkalla në shkallë të gjykatave dhe që është një dëshmi se personat që janë në drejtësi janë të ndikuar nga politika, ngase ta zëmë një qytetari të thjeshtë me shpejtësinë e dritës i kryhet procedura dhe dënohet, ndërsa në anën tjetër një personi të caktuar, i cili është në politikë, procedura ndaj tij zgjat edhe me vite të tëra dhe në të shumtën e rasteve del i pafajshëm në mungesë të provave.
Dhe këto janë dëshmi të mjaftueshme që na shtyjnë të mendojnë se vetëm ndryshimet politike rrënjësore dhe ato në organet e drejtë- sisë mund t’i ofrojnë qetësi, rahati dhe perspektivë këtij vendi”, ka potencuar deputeti Zafir Berisha për gazetën Kosova Sot.