Kryetari i Prizrenit, Ramadan Muja uron kryetarin e Bashkësisë Islame në Prizren Besim Berisha dhe të gjithë qytetarët e kësaj komune me rastin e festës se Kurban Bajramit.
“Festa e Bajramit është mundësi e mirë për fisnikërimin e shpirtit, rritjen e besimit në krijuesin tonë, ushtrimin e ndjenjës së solidaritetit, të jemi afër atyre që kanë nevojë, të rrisim kujdesin dhe dashurinë për fëmijët, familjen dhe të gjithë qytetarët”, thuhet në urimin e tij, përcjellë PrizrenPress.
“Vizitat që do t’i bëjmë të miqtë dhe të afërmit gjatë kësaj feste, le të na shërbejnë për kultivimin e tolerancës dhe mirëkuptimit si vlera universale të të gjitha qytetërimeve”.
“Urime, shëndet e mbarësi për të gjithë qytetaret e komunës sonë!” /PrizrenPress.com/