Sulmuesi spanjoll, pas golit, që i dha fitoren ekipit të Zinedine Zidane, në ndeshjen hapëse të fazës së grupeve të Ligës së Kampioneve, tha: “Klubi i Napolit kishte folur me agjentin tim, por unë kurrë nuk do të kasha shkuar atje. Kjo, për respekt ndaj familjes sime të dytë… ”
Alvaro Morata nuk e harron Juventusin. Pas suksesit ndaj Sporting Lisbona, për mikrofonat e “Mediaset Premium”, sulmuesi spanjoll ka zbuluar se ishte në kontakt me Napolin.
“Unë gjithmonë uroj më të mirën për Juventusin. Më erdhi keq për ta lënë, por futbolli është i tillë. Juve është shtëpia ime e dytë dhe gjithmonë dua që të fitojë, përveç kundër Realit. Blerja e Higuain? Unë e di se kanë bërë një ofertë të rëndësishme për mua, por Reali tha “jo”. Futbolli është kështu. U ndjeva si në shtëpi në Torino, Juve është klubi më i madh në Itali, por jeta vazhdon dhe kush e di, rrugët tona mund edhe të ritakohen në të ardhmen. Oferta nga Napoli? Ata biseduan me agjentin tim, por unë kurrë nuk do të kisha shkuar atje, nga krenaria dhe respekti për Juven, të cilën e konsideroj familjen time të dytë”, deklaroi Morata.