NISMA për Kosovën, dega në Prizren, përmes një komunikate për media, ka deklaruar se mungesa e vizionit dhe e profesionalizmit që po përcjellë Qeverinë e Ramadan Mujës, po vazhdon të dëmtojë buxhetin e Prizrenit
“Mungesa e vizionit dhe e profesionalizmit që po përcjellë qeverinë e ricikluar të të denuarit Ramadan Muja në Prizren, po vazhdon të dëmtojë buxhetin e Prizrenit, po vazhdon të rrit hallet dhe telashet e qytetarëve në përditshmërinë e tyre tashmë edhe ashtu të mundimshme”, thuhet në komunikatë të NISMA-s.
“Investimet në infrastrukturë pa kritere, e pa standarde dhe shumë dobët të realizuara nga ndërmarrje të papërgjegjshme, e të afërta këto me parapolitiken e partisë në pushtet, bënë që qytetarët të jenë shpeshëherë të atakuara në shumë forma, siç është duke ndodhur ditëve të fundit, ku shumë punime janë duke u bërë nëpër rrugë dhe lagje të Prizrenit, dhe si rrjedhojë e tyre, qytetarët me orë dhe ditë të tëra rrinë pa ujë të pijes, energji elektrike dhe telashe te mëdha në qarkullimin rrugor”.
“Sëmundja e tenderomanisë vazhdon ta përcjellë qeverisjen komunale në Prizren, në të gjitha poret e jetës, si në shëndetësi, arsim, infrastrukturë, bujqësi e të tjera, ku vazhdohet me abuzimin e taksave të qytetarëve, taksa këto prej të cilave bëhen investime jo cilësore, pa pranim teknik dhe të parealizuara sipas projektit të paraparë. Krimi urbanistik që nuk ka të ndalur në komunen e Prizrenit, është kulmi i dëmit që po i bëhet komunes së Prizrenit, ku shumë e shumë gjenerata të reja me dakada të tëra, do ti vuajnë këto pasoja”.
“NISMA për Kosovën, dega Prizren, është përcaktuar që me vendosshmëri ti luftoj keqëpërdorimet që po ndodhin në qytetin e Prizrenit, me të vetmin qëllim që ti kthehet dinjiteti dhe krenaria qytetit të tradites dhe kulturës”. /PrizrenPress.com/