Tri pistoleta janë konfiskuar në lokacione të ndryshme në rajonin e Prizrenit.
Policia njofton se në rrugën “Hoxhë Tahsini” në Prizren,pas informatës se një person posedon një armë zjarri, kanë dalë në vendin e ngjarjes me ç’rast kanë gjetur dhe konfiskuar një pistoletë të tipit ‘Ekol-Tuna’, të cilën i dyshuari e kishte hedhur në tokë.
“I dyshuari është arrestuar dhe pas një pune intensive është gjetur dhe konfiskuar edhe një pistoletë tjetër e tipit ‘Ekol Magnum’, e cila po ashtu i përkiste të dyshuarit”, njofton Policia e Kosovës
Me vendim të prokurorit i dyshuari pas intervistimit është dërguar në mbajtje.
Edhe në fshati Korishë, është gjetur dhe konfiskuar një pistoletë.
Me vendim të prokurorit rasti do të trajtohet me procedurë të rregullt.
Rasti i tretë i konfiskimit të armës ka ndodhur në fshatin Recan të Suharekës.
“Gjatë kontrollit tek i dyshuari është gjetur dhe konfiskuar një pistoletë. Me vendim të prokurorit rasti vazhdon në procedurë të rregullt”./PrizrenPress.com/