Në Qendrën e Kompetencës “”Kujtim Krasniqi” në Malishevë, sot është mbajtur aktiviteti tradicional i panairit “dyert e hapura’, ku prezantohet puna dhe të arriturat e këtij institucioni të shkollimit të mesëm profesional. Në këtë panair, mori pjesë edhe nënkryetari i Komunës së Malishevës, Rexhep Mazreku.
Nënkryetari Mazreku, i ka uruar nxënësit, mësimdhënësit dhe menaxhmentin e kësaj shkolle, për organizimin e këtij panairi, ku nxënësit e të gjitha drejtimeve, i prezantojnë të arriturat dhe përgatitjen e tyre gjatë procesit mësimor.
Nga të arriturat e prezantuara, ishin edhe një zbulim i ri i një aparati për shpërndarjen e rrjetit pa tel të internetit, i krijuar nga nxënësit e degës së teknologjisë informative. Një e arritur tjetër e prezantuar, ishte suksesi në prezantimet rajonale (Kosovë, Shqipëri dhe Maqedoni) i mbajtur kohë më parë në Prizren, ku nxënësit e kësaj qendre profesionale, janë vlerësuar me vendin e parë, në prezantimin e produkteve të tyre.