Edicioni i 16-të i manifestimit tashmë tradicional “Java e Remzi Ademajt – Shtigjeve të lirisë” kushtuar komandat “Petritit”, ka filluar të hënën me një defile të nxënësve në qendër të Prizrenit.
Në ceremoninë e hapjes ka qenë i pranishëm edhe kryetari komunës së Prizrenit, Ramadan Muja, i cili tha se “me këtë aktivitet, pos që dëshmohet dija dhe shkathtësia e nxënësve, nderohet edhe lufta e drejtë e UÇK-së, pjesë e së cilës ka qenë edhe Remzi Ademaj”.
Ndërsa, drejtori i Arsimit, Zahadin Shemsedini, tha se ky manifestim tradicional i cili po mbahet për të 16 –ën herë me radhë , është në shërbim të dijes dhe në shërbim të vlerave të luftës. Në këtë ngjarje po marrin pjesë qindra ekipe garuese nga rreth 60 shkolla të komunës së Prizrenit me mbi 15oo garues,të cilët garojnë në 12 disiplina të parapara në sport, pikturë, vallëzim, kuizin e diturisë etj/TV Prizreni/