Në qytetin Wil të St. Gallenit, të shtunën është bërë përurimi i shtatores së Nënë Terezës. Në përurimin e saj i pranishëm ka qenë edhe Don Lush Gjergji, vikar gjeneral i Ipeshkvisë së Kosovës, njëherësh biografi i njohur i Nënë Terezës.
Në ceremoninë e udhëhequr nga Misioni Katolik Shqiptar i Zvicrës, kanë marrë pjesë një numër i madh i mërgatës shqiptare, duke mbushur kështu përplot oborrin e kishës St. Peter Kirche, ku dhe është vendosur shtatorja e Nënë Terezës.
Kjo është e para shtatore e saj në Zvicër, ndërkohë që në Gjermani, SHBA e vende të tjera janë disa sosh, të ngritura nga mërgata shqiptare.