Anëtari i shoqërisë civile, i cili për një kohë të gjatë ishte pjesë e emisionit ‘Click’ në cilësinë e analistit, aderoi në Lidhjen Demokratike, menjëherë pasi u shpallen zgjedhjet. Pas mbajtjes së tyre, Selmanaj doli të jetë njëri nga më të votuarit e listës së koalicionit LDK-AKR-Alternativa.
Në rezultatet e publikuara deri më tani nga zgjedhjet e 11 qershorit, del që Driton Selmanaj të ketë mbledhur 25.499, i treti pas bartësit të listës, Avdullah Hoti, dhe Vjosa Osmanit, e cila edhe në zgjedhjet e kaluara ishte gruaja më e votuar në vend.
Selmanaj është më i votuari nga ardhjet e reja e ai la pas edhe shumë figura të rëndësishme të LDK’së. Ish-analisti është edhe më i votuar se kreu i AKR’së, Behgjet Pacolli, i cili doli i katërti me 24.909 vota.
Lista nuk është definitive pasi, më shumë se 100 kuti janë shkuar në rinumërim, gjë që kjo listë është nxjerrë sipas rezultatit të numërimit nga 73% të votave, që i bie se rreth 27% të votave apo më shumë se çereku mungojnë.
