Aktivistë të shoqërisë civile në Prizren i kanë bërë thirrje autoriteteve qendrore dhe lokale që ta dinamizojnë procesin e hartimit të dokumenteve të planifikimit hapësinor.
Të martën përmes një reagimi ata kanë përkujtuar se 4 vjet pas miratimit të Ligjit të planifikimit hapësinor, ende nuk janë projektuar harta zonale e Kosovës dhe hartat zonale të komunave, shkruan sot “Koha Ditore”.
“Afro katër vjet pas hyrjes në fuqi të Ligjit të planifikimit hapësinor, autoritetet qendrore dhe ato lokale të planifikimit ende nuk kanë arritur që të përmbyllin në tërësi procesin e hartimit të të gjitha dokumenteve të planifikimit hapësinor.
Harta zonale e Kosovës si dhe hartat zonale të komunave akoma nuk janë hartuar, duke mbajtur pezull kësisoj edhe hartimin e mëtutjeshëm të planeve rregulluese të hollësishme në nivel lokal”, ka thënë Valon Xhabali, koordinator në OJQ-në “Ec ma ndryshe”.
Ai ka bërë të ditur se MMPH-ja, përkatësisht IPH-ja, përmes një shkrese zyrtare kanë konfirmuar për “EC-in…” se ende nuk e kanë hartuar hartën zonale të Kosovës…