Ambasadori i Shteteve të Bashkuara të Amerikës në Kosovë Greg Delawie, të enjten ka marr pjesë, në hapjen e ekspozitës me fotografi nga jeta e presidentit amerikan John F. Kenedy. Kjo ekspozitë u hap në 100 vjetorin e lindjes se presidentit të 35 të Amerikës.
Drejtoresha e Bibliotekës ndërkomunale në Prizren, Sahadete Sadikaj, tha me këtë rast se kjo ekspozitë me fotografi nga jeta e presidentit amerikan John F. Kenedi hapet në 100 vjetroin e lindjes së tij. Po ashtu është mbajtur një ligjëratë dhe bashkëbisedim për jetën e presidentit amerikan me grupin e vullnetarëve të bibliotekës.
“Ka shumë mesazhe që mund të merren nga kjo ekspozitë, si nga jeta ashtu edhe nga vepra e presidentit amerikan. Ekspozita do të jetë e hapur deri me 8 gusht” tha Sadikaj.
Ambasadori amerikan pos që mori pjesë në hapjen e ekspozitës vizitoi edhe grupin e vullnetarëve, me të cilët e zhvilloi një bashkëbisedim të shkurt, dhe pa u prononcua fare për medie, u largua nga shtëpia e kulturës.
Drejtoresha e Bibliotekës ndërkomunale Sahadete Sadikaj tha me këtë rast se grupi i vullnetarëve të Bibliotekës do të jetë në shërbim të vizitorëve të qytetit të Prizrenit.
“Gy grup nga data 29 do të jenë në përcjellje të vizitorëve për në Kalanë e Prizrenit, tha ajo.”/gazetaere/