Qytetarë të zonave të ndryshme të Komunës së Prizrenit janë ankuar se e-kiosqet e vendosura për dhënien e dokumenteve të gjendjes civile nuk po funksionojnë në mënyrë të rregullt, shkruan sot Koha Ditore.
Sipas tyre, ka edhe raste kur këto aparate i pranojnë monedhat dhe nuk i lëshojnë dokumentet përkatëse, duke i dëmtuar kështu dyfish palët që kanë nevojë urgjente për nxjerrjen e certifikatave të gjendjes civile.
Qytetarët dhe aktivistët e shoqërisë civile konsiderojnë se zyrtarët e Komunës së Prizrenit duhet të japin llogari para qytetarëve, lidhur me këto defekte te e-kiosqet, për të cilat nga buxheti komunal janë shpenzuar afro 70 mijë euro.