Sonte në emisionin e radhës të Fidan Jupollit në Express, i ftuar ka qenë Shaqir Totaj, kandidat i PDK’së për Prizrenin. Ai ka folur rreth koalicioneve për balotazhin. Po ashtu ka bërë me dije edhe ndryshimet që do t’i sjell me marrjen e detyrës në krye të Prizrenit.
Shaqir Totaj ka treguar se ndryshimet e para me marrjen e qeverisjes së Prizrenit do të bëhen nga emërimi i drejtorëve të rinj.
“Vlera e re, ndryshimet e reja do të shihen pikërisht nga ndërrimi i drejtorëve. Kjo do të ndikoj edhe në punën që do të bëhet në komunë”, ka thënë Totaj.
Ai ka treguar se planet e tij për Prizrenin do të jenë kryesisht në zhvillim ekonomik. Totaj ka thënë se edhe Parku i Bizneseve do të bëhet funksional, me këtë rast, sipas tij do të hapën edhe vende të reja të punës për qytetarët e Prizrenit.
Për më shumë detaje, shikojeni intervistën e Fidan Jupollit me Shaqir Totajt: