Pesë orë pas publikimit të fotografisë përmes së cilës e ilustroi takimin me kreun e Degës së PDK-së në Prizren, kryetarja e NDS-it, Emilia Rexhepi ka publikuar një fotografi tjetër, tash me kryetarin e ri të Prizrenit Mytaher Haskukën.
Fotografinë e re Emilia Rexhepi e shoqëron me tekstin e marrëveshjes përmes së cilës që siç shkruan ajo NDS-i, në pushtetin e ri lokal merr: këshilltarin e kryetarit të ri, drejtorinë për Kulturë Rini e Sport, koordinatorin për Turizëm dhe zhvillim ekonomik, drejtor dhe zv drejtor të shkollave në Zhup dhe Podgor punësimin e boshnjakëve në institucione me theks në shëndetësi, si dhe e përmend zyren për kthim dhe komunitete.
/
