Kryetari i Prizrenit Mytaher Haskuka ka thënë se janë të angazhuar tri kompani me gjithsej gjashtëmbëdhjetë automjete që janë të angazhuara për pastrimin e rrugëve në Prizren, ndërsa në anën e Zhupës për shkak reshjeve më të medha ka vështirësi më të mëdha në qarkullimin e automjeteve.
Ja postimi i plotë:
Pas reshjeve të borës gjatë ditës së sotme, tri kompani me gjithsej gjashtëmbëdhjetë automjete janë në aksion duke bërë pastrimin e rrugëve në gjithë territorin e Komunës sonë. Pas kontrollit nga drejtori i shërbimeve publike Levent Kasëmi mund të themi që të gjitha rrugët janë të qarkullueshme.
Rrugët në anën e Zhupës, për shkak të trashësisë më të madhe të borës dhe temperaturave më të ulëta, kanë vështirësi më të madhe në qarkullimin e automjeteve.
Pas mesnatës nëpër të gjitha rrugët pritet të hidhet kripë. Përkundër kësaj, kërkohet që ngasësit e automjeteve të kenë kujdes të shtuar.
Falënderoj drejtorin dhe gjithë punëtorët e kompanive të kontraktuara për punën e tyre.
tvprizreni