Edhe sikur Kosova të luajë me përbërjen më të fortë dhe lojtarët të jenë në formë optimale, Lituania vlerësohet favorite absolute karshi saj, shkruan sot “Koha Ditore”.
Ndërkohë pa kapitenin dhe liderin Dardan Berisha, gjasat e Kosovës për fitore janë fare të vogla apo thuajse nuk ekzistojnë. Dhe fundori Berisha do të mungojë të hënën (sonte) nga ora 18:30, kur Lituania në Klaipeda e pret Kosovën në ndeshjen e katërt në kuadër të raundit të parë të eliminatoreve për botërorin e vitit të ardhshëm në basketboll.
Lituania ka fituar tri ndeshjet e para dhe prin në grup me gjashtë pikë. Kosova ka humbur tri ndeshjet e para dhe është e fundit në grup me tri pikë. Të premten e kaluar, Lituania po në Klaipeda fitoi ngushtë, 80:75, ndaj Hungarisë.
Të njëjtën ditë Kosova pësoi thellë, 90:62 nga Polonia në Wloclawek. Në atë ndeshje lëndime pësuan kapiteni Berisha dhe Lis Shoshi, lojtari tjetër i rëndësishëm i Kosovës…