Një person ka humbur jetën nga një aksident në “Rrugën e Kombit” mëngjesin e sotëm.
Viktima është drejtuesi i një kamioni, i cili ka humbur kontrollin dhe është përmbysur. Aksidenti ka qenë fatal për shoferin, i cili ka humbur jetën në vend, raporton tch.
Ende nuk dihen shkaqet e aksidentit, ndërsa është bllokuar qarkullimi në “Rrugën e Kombit”, në fshatin Kolsh.
Policia ka mbërritur në vendin e ngjarjes për të nisur hetimet për aksidentin.