Të shtunën nis seria e ndeshjeve finale të play-off-it në IP Superligën e Kosovës në basketboll ndërmjet kampionit aktual Sigal Prishtinës dhe Bashkimit.
Kryeqytetasit synojnë që edhe sivjet të fitojnë kurorën e dyfishtë, ndërsa prizrenasit shpresojnë që pas një kohe të gjatë të stolisen me titullin e kampionit dhe të ndërpresin dominimin e Sigal Prishtinës.
Bashkimi sivjet pati një edicion të mirë, madje arriti deri në finale të Ligës Ballkanike.
Ndërkaq, Sigal Prishtina e ka fituar Kupën e Kosovës, duke triumfuar në finale pikërisht ndaj Bashkimit. Seria finale mund të shkojë deri në pesë ndeshje, ndërsa kampion shpallet skuadra që i arrin tri fitore.
Në gjysmëfinale Sigal Prishtina e eliminoi Golden Eagle Yllin (3:0), njëjtë sikur ehe Bashkimi që pas tri ndeshjeve me Rahovecin e siguroi “vizën” për në finale.