Kampioni i Premier Leagues, Manchester City, është i shtyrë nga dëshira e palodhshme për sukses e Pep Guardiolas dhe do të jetë edhe më i uritur për trofe stinorin e ardhshëm.
Kështu vlerëson kryetari i Cityt, Khaldoon Al Mubarak, shkruan Koha Ditore.
Ish-trajneri i Barcelonës dhe i Bayern Muenchenit, Guardiola, iu bashkua Cityt në vitin 2016 dhe e udhëhoqi skuadrën këtë stinor drejt titullit në Premier League me një shifër rekorde prej 100 pikëve dhe po ashtu fitoi League Cupin.
“Ne kemi një trajner si Pepi që është i palodhshëm. Nuk do të ketë asnjë vetëkënaqësi apo relaksim, këtë mund t’iu garantoj. Pritjet e mia dhe të trajnerit janë që kjo skuadër do të vazhdojë të përmirësohet. Nuk kam dyshime se këtë verë do të kthehemi dhe do të jemi edhe më të uritur e më agresiv. Ne do të vazhdojmë të rritemi dhe të përmirësohemi”, ka deklaruar Al Mubarak për faqen zyrtare të Cityt.