Seferi beson se do të triumfojë sonte në Manchester kundër Furyt.
Të shtunën mbrëma (9 qershor) në Manchester Arena zhvillohet dueli ndërmjet Tyson Fury dhe Sefer Seferit që është njëherësh meçi më e vështirë në karrierën e boksierit shqiptar, kur kihet parasysh se ka përballë një ish-kampion të unifikuar botëror.
Mirëpo, edhe pse është dhjetë vjet më i moshuar se kundërshtari i tij dhe ka zhvilluar vetëm një përballje në kategorinë e peshave të rënda, Seferi beson në fitoren e tij.
“Do ta mposht Tyson Fury me zemrën time të luanit. Jam shqiptar dhe thjesht ne kemi lindur për të luftuar”, ka thënë ai.
“E di se e kam fuqinë për ta mposhtur. Kur ta mposht, do t’ia jap mundësinë e rimeçit”, është shprehur boksieri shqiptar. /Gazeta Express/