Ai është golashënuesi më i mirë në historinë e Real Madridit, ai mund të jetë lojtari më i mirë që ka luajtur për Realin, por ylli portugez nuk dëshiron ndonjë organizimi lamtumire ekstra për të.
Më 6 korrik të vitit 2009, Cristiano Ronaldo u prezantua si lojtar i Real Madridi para 80,000 spektatorëve në Bernabeu. Nëntë vite më vonë ai është afër largimit nga Madridi dhe largimi i tij do të jetë më pak i elaboruar sesa mbërritja e tij, transmeton Gazeta Express.
Ideja e tij për momentin është që t’i përshëndesë të gjithë ata që janë të lidhur me Real Madridin me një mesazh të thjeshtë. Duke e bërë këtë, ai i bashkëngjitet lamtumirës së ftohtë të dy legjendave tjera të klubit, Raul Gonzalesit dhe Iker Casillasit. /Gazeta Express/