Rusia në 1/8e finales të Kupës së Botës “Rusia 2018”, arriti ta mund pas ekzekutimit të penalltive kombëtaren e Spanjës dhe e siguroi çerekfinalen, kurse “Furinë e Kuqe” e dërgoi në shtëpi.
Por duket se për këtë kualifikim meritë ka edhe motivimi i veçantë që futbollistëve vendas i bëri Presidenti i Rusisë, Vladimir Putin.
Të paktën kështu pretendon trajneri i Rusisë, Stanislav Cherchesov, i cili ka bërë të ditur se interesimi i presidentit është “i kënaqshëm dhe lojtarët e dinë”.
“Para ndeshjes me Spanjën na telefonoi Vladimir Putin, gjithashtu para dhe pas penalltive. Mbështetja e numrit një të vendit, ka qenë diçka shumë e bukur për ne”, deklaroi Cherchesov.
Ai e ka cilësuar një motivim shtesë interesimin e vazhdueshëm të Putinit për përfaqësuesen e Rusisë, duke bërë të ditur se Presidenti rus ishte në kontakt të vazhdueshëm me ekipin. /Insporti.com