Francesco Totti uron që Cristiano Ronaldo të jetë i suksesshëm te Juventusi.
Legjenda e Romës nuk ka asnjë dyshim se CR7 do të ketë sukses edhe në Serie A, ashtu si në Premierligë e La Liga.
Ronaldo u largua nga Reali pas nëntë sezoneve, ku fitoi 16 trofe – duke shënuar 450 gola në 438 paraqitje.
“I zhgënjyer se nuk do të luaj kundër Ronaldos? Jo, kam luajtur kundër tij tashmë. E kam takuar dhe jam i lumtur sepse ai do t’i sjellë shumë futbollit italian: ai është i jashtëzakonshëm, më i miri bashkë me Messin”, tha Totti, i cili vitin e kaluar u pensionua nga Roma.
“Shpresoj se ai do të ketë sukses edhe këtu dhe se Serie A do të rikthehet në maja si dikur”, shtoi legjenda e Romës.