Trajneri argjentinas, Diego Simeone është gati të nisë edicionin e tij të nëntë në drejtim të Atleticos së Madridit, ndërsa edhe këtë herë ka synim për të triumfuar në gara madhore.Kështu, pasi bindi Antoinne Griezmannin për të qëndruar në Madrid, trajneri argjentinas arriti të përforcojë skuadrën me elementë si Thomas Lemar dhe Gelson Martins.
Tashmë Simeone po punon për të sjellë në kryeqytetin spanjoll një sulmues, që të rivalizojë me Diego Costan dhe emrin e lojtarit e ka brenda familjes.Së fundi Atletico Madrid i ka bërë një ofertë zyrtare prej 40 milionë eurosh Fiorentinës, për të transferuar në Spanjë, Giovanni Simeonen, djalin e trajnerit të spanjollëve.
Skuadra italiane ka refuzuar ofertën e parë të spanjollëve, duke e cilësuar Simeonen si të pashitshëm, por mediet thonë se palët mund ta mbyllin transferimin për një shifër prej 50 milionë eurosh.