Numri i pushuesve që kalojnë pikën kufitare të Morinës ka qenë shumë i madh këtë fundjavë.
Në 24 orët e fundit nga kjo pikë kalimi kanë hyrë rreth 20 mijë udhëtarë.
Situata solli vështirësi në qarkullimin rrugor. Në segmentin Morinë-Kukës, pranë Urës së Uzinës ku po punonet për ndërtimin e urave të tjera drejtuesit e automjeteve janë të detyruar të presin gjatë për të kaluar.
Ndërkohë shoferët, ata të ardhur nga Kosova, ankohen për rrugën e amortizuar dhe bëjnë thirrje për të marrë masa urgjente.