Boksieri shqiptar, Reshat Mati, do të debutojë në boksin profesionist më 6 tetor në Chicago, në mbrëmjen e organizuar nga kompania e njohur promovuese “Matchroom Boxing”.
Mati, që jeton në SHBA, ka firmosur me promotorin e famshëm britanik Eddie Hearn, që është promotor edhe i superyllit Anthony Joshua.
Mati ka bërë famë në SHBA si një makinë luftarake, duke mbledhur tituj në sporte luftarake si Muay Thai, kikboks, MMA dhe po ashtu ka pasur një karrierë të denjë në boksin amator. Ai ishte bërë i njohur disa vite më parë, kur u publikua një rrëfim për të dhe i ishte vënë nofka “Ariu Shqiptar”.
Mati 19-vjeçar beson se e ardhmja e tij tash qëndron në boksin profesionist. Ai vetëm sa ka fituar titullin në turneun e famshëm të boksit amator në SHBA, “Golden Gloves”. Kjo edhe ka shtyrë promotorin Eddie Hearn të firmosë me të