Marco Asensio ka thënë se kurrë nuk e ka menduar largimin nga Real Madridi, pasi shkëlqeu me Spanjën në Ligën e Kombeve kundër Kroacisë.
Asensio dhuroi spektakël në Elche, ku shënoi njëherë dhe dhuroi 3 asistime në fitoren 6-0 të Spanjën që ia shkaktoi humbjen më të thellë në histori nënkampionit të botës.
Asensio është lidhur gjatë verës me një kalim të mundshëm te Liverpooli, por tha se dëshiron t’i qëndrojë besnik Realit me të cilin klub ka kontratë deri më 2023.
“Asnjëherë nuk e kam pasur për qëllim të shkojë diku tjetër”, u shpreh Asensio.
“Ky është sezoni im i tretë dhe mendoj se kam më shumë vazhdimësi dhe dukem më i rëndësishëm, këtë po e shoh në paraqitjet që po bëj”, shtoi ai.
22-vjeçari ka bërë 95 paraqitje për Los Blancos që nga viti 2016, ku ka shënuar 21 gola dhe ka fituar shumë trofe, veçuar dy të Ligës së Kampionëve