Kryetari i Komunës së Prizrenit, Mytaher Haskuka ka thënë se erëra të forta parashihet të ketë edhe në qytetin e Prizrenit.
“Sipas parashikimeve, në rajonin tonë parashihet të ketë erëra të forta gjatë orëve në vijim dhe për këtë arsye Drejtoria për Emergjencë dhe Siguri është në gatishmëri për çdo rast” ka shkruar Haskuka në Facebook.
Ai po ashtu kal lutur qytetarët e komunës të telefonojnë në Qendrën e Thirrjeve pa pagesë në rast të ndonjë emergjence.
“Luten qytetarët që të jenë vigjilentë dhe në rast të ndonjë emergjence të na njoftojnë në Qendrën e Thirrjeve tek numri pa pagesë 0800 19 200 apo në Viber dhe WhatsApp tek numri +383 45 119 200” ka shkruar Haskuka.