18.2 C
Prizren
E mërkurë, 9 Korrik, 2025

Haradinaj: Suhareka, shembull i mirë i realizimit të projekteve për mirëqenien e qytetarëve

Kryeministri i vendit, Ramush Haradinaj, gjatë ditës së sotme ka zhvilluar një vizitë pune në Komunën e Suharekës, ku është pritur nga kryetari i Komunës, Bali Muharremaj me bashkëpunëtorë.

Në takim është diskutuar për projektet zhvillimore të komunës, që janë në realizim e sipër, si dhe për projektet për të cilat Haradinaj premtoi mbështetjen e Qeverisë.

“Është shumë mirë të fillojmë me parkun e qytetit, në këtë rast me shtigjet e ecjes, që janë shtigje vërtet për lakmi, të bukura, të organizuara, të rregulluara dhe të ndriçuara”, tha Haradinaj duke shtuar se  se të gjitha projektet që janë të dedikuara për banorët e Suharekës do të realizohen në bashkëpunim me komunën.

Pas takimit, i pari i Qeverisë mori pjesë në prerjen e shiritit të “Shtegut të ecjes” i cili u përurua me defilimin e biçiklistëve të kësaj ane.

Kryetari i Komunës së Suharekës Bali Muharremaj, tha se përurimi i parkut të qytetit, “Shtigjet e ecjes”, me gjatësi 2.5 km, do t’u shërbejë të gjithë qytetarëve.

Kryeministri Haradinaj ka vizituar dhe ka bërë nderime te parku Dëshmorët e Kombit.

Aty ai mori pjesë në përurimin e rrugës së përfunduar “N25” që lidh komunën e Suharekës me Prizrenin duke vlerësuar se Qeveria e Kosovës, është duke përmbyllur infrastrukturën rrugore si parakusht për zhvillim të qëndrueshëm ekonomik.

Më pas, shefi i Qeverisë ka vizituar Kompaninë “Frutex” me rastin e përurimit të linjës së re të eksportit, ku është pritur nga Presidenti i kompanisë “Frutex”, Shaqir Palushi, me bashkëpunëtorë.

Në fund të vizitës së tij në Suharekë, Kryeministri Haradinaj mori pjesë edhe në përurimin e fillimit të punimeve të rrugës Delloc-Shterpcë.

 

Më Shumë

Tentoi të trafikonte armë zjarri në Shqipëri – arrestohet në Morinë 28-vjeçari nga Prizreni

Policia Kufitare në Morinë ka arrestuar në flagrancë një shtetas nga Prizreni, pasi në automjetin e tij u gjetën një armë zjarri dhe municion...

Samadraxha mbetet në terr, u dogjën kabllot e rrymës

Fshati Samadraxhë e komunës së Suharekës ka mbetur në terr. Kjo për shkak se kabllot e rrymës atje janë përfshirë nga zjarri, përcjell Klankosova.tv. Si pasojë...

Lajmet e Fundit