Një person është gjetur i varur në periferi të fshatit Krushë e Madhe të Rahovecit.
Rastin për KALLXO.com e ka konfirmuar Policia Rajonale e Gjakovës.
Sipas zëdhënëses së Policisë së Gjakovës, Lirije Podrimaj, sot rreth orës 11:20, Policia në Rahovec ka marrë informacion për një rast në fshatin me Krushë e Madhe.
“Patrullat policore menjëherë kanë dalë në vendin e ngjarjes ku në periferi të fshatit kanë gjetur të varur në litar personin R.G. i gjinisë mashkullore, i lindur më 1978”, ka treguar zëdhënësja Podrimaj për KALLXO.com.
Vdekjen e personit e ka konstatuar mjeku kujdestar nga QMF- Krushë e Madhe.
Lidhur me rastin është njoftuar prokurori i shtetit me urdhër të të cilit trupi i pajetë u është kthyer familjarëve.