Trajneri i Gjermanisë, Joachim Low, mund të shkarkohet nga posti i selektorit të kësaj kombëtareje.
Kjo mund të ndodhë nëse katër herë fituesit e Botërorit mposhten nga kampioni në fuqi i botës, Franca, në kuadër të Ligës së Kombeve, raporton Bild.
Pas rënies në grupe në Kupën e Botës 2018, si dhe një starti pa fitore në kompeticionin e sipërpërmendur, Low do të përballet me tri mundësi pas ndeshjes së të martës.
Një fitore ose një barazim do ta shihte atë ende në pankinë, por një humbje do ta çonte drejt shkarkimit.