Policia ka njoftuar se mbrëmë në mesnatë policia është informuar për një vjedhje në një shtëpi në rrugën “Ilirët” në Prizren.
“Njësiti patrullues i është përgjigjur rastit dhe ka shkuar në shtëpinë ku dyshohej se po kryhej vjedhja. Banorët e asaj shtëpie nuk ishin prezent .Me të hyrë në oborrin e shtëpisë tre të dyshuarit A.B, L.F dhe F.S, pasi kanë vërejtur patrullën e policisë kanë filluar të largohen në drejtim të rrugës”, thuhet në njoftimin e policisë.
Tutje, policia ka njoftuar se pas ndjekjes së personave të dyshuar, zyrtarët policor kanë arritur të ndalojnë dhe të arrestojnë të dyshuarin A.B, ndërsa dy të dyshuarit e tjerë janë larguar.
Policia ka njoftuar se gjatë ndjekjes së personave të dyshuar, njëri zyrtarë policor ka pësuar lëndime në këmbë.
Zyrtarët policor tek personi i arrestuar kanë gjetur bizhuteri si dhe gjësende tjera të vjedhura nga ajo shtëpi.
“Në lidhje me rastin është njoftuar prokurori shtetit i cili ka rekomanduar që i dyshuari A.B të ndalet në mbajtje për 48. Rasti është duke u hetuar nga hetuesit policor”, njofton policia.