Kuvendi i Kosovës, në seancën e sotshme plenare miratoi në lexim të parë projektligjet: Projektligji për ndryshimin dhe plotësimin e Ligjit për Bibliotekat; Projektligji për ndryshimin dhe plotësimin e Ligjit për Kinematografinë; Projektligji për ndryshimin dhe plotësimin e Ligjit për parandalimin dhe sanksionimin e dhunës dhe dukurive negative në ngjarjet sportive; Projektligji për ndryshimin dhe plotësimin e Ligjit për sponzorizime në fushën e kulturës, rinisë dhe sportit; Projektligji për ndryshimin dhe plotësimin e Ligjit të sportit dhe Projektligji për ndryshimin dhe plotësimin e Ligjit për të drejtat e autorit dhe të drejtat e përafërta.
Ministri i Kulturës, Rinisë dhe Sportit (MKRS), Kujtim Gashi, miratimin e këtyre ligjeve e sheh në interes për fushat që ka në përgjegjësi MKRS-ja.
“ Kalimi i propozimeve të MKRS-së nga ana e Kuvendit, plotëson objektivat strategjike të ministrisë, por edhe kompleton harmonizimin e këtyre projektligjeve me ligjet e tjera të Kosovës”, është shprehur ministri Gashi.