Deputeti i Lidhjes Demokratike të Kosovës Haxhi Avdyli ka kritikuar shpenzimin e parave për aktivitetet që janë mbajtur për 11-vjetorin e pavarësisë së Kosovës.
Me këtë rast ai ka pyetur se kush i vodhi 490.000 euro, duke kërkuar kështu llogari nga prokurorët e auditorët, transmeton “zeri.info”.
“Në 2019, me 10.000 më së shumti kanë mundur të kryhen këto aktivitetete. Kush i vodhi 490.000 €? A ka auditor, a ka prokurori ? Vidhni edhe ndonjë ditë se për të gjitha keni me dhënë përgjegjësi, a jeni komandanta, a familje dëshmorëve, a jeni patriota, a sjeni ,sdo ketë mëshirë për ju më. Për ju dhe ata që po ju mbrojnë”, ka shkruar Avdyli në një postim në “Facebook”./Zëri