Policia e Kosovës ka arrestuar shtatë persona për shkak të një përleshje që ndodhi në mesin e tifozëve gjatë ndeshjes Rahoveci – Ponte Prizreni që u zhvillua në palestrën sportive të Rahovecit.
“Gjatë zhvillimit të ndeshjes ka filluar një incident mes shikuesve në tribuna, kjo ka bërë që policia të intervenojë dhe të arrestojë shtatë (7) të dyshuar. Gjatë intervenimit dy policë kanë pësuar lëndime të lehta trupore”, thuhet në njoftimin e Policisë.
Të arrestuarit janë intervistuar dhe më pas me aktvendim të prokurorit janë dërguar në mbajtje për 48 orë.