Kandidati i Bashkimit Demokratik, Zafir Berisha është takuar me banorët e fshatit Poslisht. Ai ka kërkuar nga banorët e këtij fshati që të jenë unik në këto zgjedhje.
“Shpresa e vetëm për qytetarët e Komunës sonë është numri 74 dhe Bashkimi Demokratik me kandidatët e sajë më të mirë për Kuvendin e Prizrenit”, tha Berisha.
Ai tha se është nevojë urgjente dhe prioritet për demokracinë në Kosovë që të dalim në zgjedhje, dhe në mënyrë demokratike t’i japim fund garniturës politike, e cila po e dëmton rënd imazhin e Prizrenit dhe Kosovës si dhe perspektivën evropiane.
Banorët e fshatit Poslisht por edhe të fshatrave tjerë të Vrrinit janë shprehur të zhgënyer me investimeve jo cilësore që po bën pushteti aktual.
“Ne garantojmë se me ardhjen e Bashkimit Demokratik institucionet Komunale do të vihen në shërbim të qytetarëve dhe paraja publike nuk do të keqpërdoret siç është keqpërdorur deri me tani dhe të gjithë ata që kanë keqpërdorur me paranë publike do të përgjigjen para organeve të drejtësisë”, tha Berisha/PrizrenPress.com/