Autoritetet e Komunës së Malishevës janë në pritje të përfundimit të hulumtimeve nga institucionet përgjegjëse lidhur me rastin e ngordhjes së peshqve në Mirushë, shkruan sot Koha Ditore.
Deri më tani, kanë pranuar një përgjigje nga Agjencia e Ushqimit dhe Veterinarisë, me ç’rast janë njoftuar se shkaku i ngordhjes së peshqve nuk mund të përcaktohet në laboratorët e kësaj agjencie.
“Agjencia e Ushqimit dhe Veterinarisë ka kthyer përgjigje dhe ka thënë se në laboratorët e tyre nuk munden me përcaktu shkakun e ngordhjes së peshqve”, thuhet në përgjigjen me shkrim të Zyrës për Informim të Komunës së Malishevës.
Zyrtarët e kësaj komune kanë theksuar se janë në pritje edhe të shkresës nga Ministria e Mjedisit dhe Planifikimit Hapësinor.
“Ministria e Mjedisit ende nuk i ka kthyer rezultatet e analizave të ujit”, ka bërë të ditur Zyra komunale për informim…