Teatri “Bekim Fehmiu” në Prizren, që nga janari i këtij viti kishte bllokuar aktivitetet për shkak se aktorëve nuk u ishin dhënë paga.
Më shumë se gjashtë muaj pas fillimit të vitit, ky institucion ia doli ta realizojë premierën e parë.
Romanca e një princi dhe princeshe, të cilët aranzhojnë martesën e tyre falë miqësisë së familjeve mbretërore, është inskenuar në këtë teatër, raporton “Express” i KTV-së.
Satira “Leonse & Lena”, e shkruar nga dramaturgu gjerman Georg Buchner në teatrin e Prizrenit, u realizua nën regjinë e austriakut Andreas Proneg.
Shfaqja, në mënyrë indirekte, paraqet një satirë politike që denoncon sundimin e sistemeve mbretërore që favorizojnë familjet fisnike dhe konsiderohet si shembull i funksionimit të teatrit për reflektim mbi shoqërinë.
Pas “Leonse & Lena”, teatri “Bekim Fehmiu” synon që deri në fund të këtij viti t’i realizojë edhe dy premiera të tjera.