Siguria në Dragash është e qetë dhe stabile.
Ky është vlerësimi i policisë dhe Komunës së këtij qyteti.
Drejtori Rajonal i Policisë në Prizren, kolonel Faton Alija, së bashku me stafin e tij ka vizituar komunën e Dragashit, me ç’rast ka realizuar një takim me kryetarin e Komunës Shaban Shabani.
“Në këtë takim është diskutuar çështja e sigurisë e cila është vlerësuar e qetë dhe stabile si dhe bashkëpunimin ndërinstitucional në ketë zonë”, njofton PK në Prizren.
Është vlerësuar zhvillimi i aktiviteteve ndërmjet komuniteteve që jetojnë në komunën e Dragashit.
“Kryetari Shabani informoi për aktivitetet e Komunës dhe masat që janë ndërmarrë për pritjen e mërgimtarëve gjatë sezonës së pushimeve verore”./PrizrenPress.com/