Dy aksidente trafiku kanë ndodhur të mërkurën në Prizren, ku si pasojë e tyre dy persona kanë pësuar lëndime trupore, shkruan PrizrenPress.
Në rastin e parë i dyshuari përderisa ishte duke drejtuar kamionin me targa lokale, humb kontrollin mbi kamionin dhe del jashtë rruge.
Si pasojë i dyshuari pëson lëndime trupore dhe i njëjti është dërguar për tretman mjekësor në Spitalin e Prizrenit.
Edhe në rastin e dytë një person përderisa ishte duke drejtuar veturën me targa lokale, humb kontrollin mbi veturën dhe shkakton aksident trafiku.
Si pasojë i dyshuari pëson lëndime trupore dhe i njëjti është dërguar për tretman mjekësor në Spitalin e Prizrenit, bën të ditur Policia e Kosovës në raportin 24 orësh. /PrizrenPress.com/