Zafir Berisha nga Nisma Socialdemokrate ka thënë se 800 vota nga Prizreni janë tjetërsuar ose nuk janë bartur në faqe zyrtare të KQZ-së.
Sipas tij, mosbartja e këtyre votave është tregues se dikush është i interesuar të krijojë opinion të gabuar me vetëdije, njofton Klan Kosova.
“Bartja e votave në qendrën votuese 2042 A, 2001A në qendrat e tjera votuese në Prizren nga Nisma me nr.122 në subjektin nr.121 është tregues se dikush është i interesuar të krijojë opinion të gabuar me vetëdije”.
“Mosbartja në faqen zyrtare të KQZ-së të votave nga qendrat votuese 2041A Billushë, 2032A Vlashnje, 2048A Petrovë 2057A, 2016A (02d) Lubeqevë, 2065A Medvec e ndonjë qendër tjetër edhe pse nuk janë qendra të mëdha votuese, dyshoj se po bëhen me qëllim për me i dhënë “material” atyre që nuk janë ndalë duke “hangër” kundër Nisma-s dhe procesit zgjedhor”.
Kujtojmë se Nisma Socialdemokrate i ka marrë 3.447 vota në Prizren ose 5,50 për-qind të tyre.