Përurohen investimet në shkollën e Mushnikovës (Video)

Kryetari i Komunës së Prizrenit, Mytaher Haskuka, sot së bashku me nënkryetarin e Komunës, Eshref Memaj, drejtoreshën e Drejtorisë Komunale të Arsimit, Xhemile Thaçi Vezgishi dhe të pranishmit e tjerë, bënë përurimin e përfundimit të punimeve për ndërtimin e hapësirave që do të përdoren për kabinete dhe qëllime tjera të nevojshme për shkollën në Mushnikovë, që u ndërtuan në nënkulmin e objektit shkollor.

Në kuadër projektit u realizua instalimi i rrjetit elektrik, instalimi i rrjetit të ngrohjes qendrore, ujësjellësit, kanalizimit, izolimi termik i kulmit, si dhe punimet ndërtimore dhe zejtare të nevojshme për realizimin me sukses të këtij projekti.

Gjatë ceremonisë së përurimit pati edhe program festiv të organizuar nga shkolla, ku nxënësit me këtë rast performuan duke kënduar, vallëzuar dhe recituar.