Biblioteka Kombëtare “Pjetër Bogdani” në Prishtinë sot ka shënuar 75 vjetorin e themelimit, njofton Klan Kosova.
Për shënimin e këtij përvjetori gjatë tërë ditës sot do të mbahen aktivitete të ndryshme.
Fazli Gajraku, drejtori i Bibliotekës, ka thënë se ata janë duke u munduar që të ruajnë trashëgimin e shkrimit në përpjekje për ta digjitalizuar.
“Ne po punojmë në mbledhjen e kulturës gojore të Kosovës në digjitalizimin e saj. Me 28 nëntor ekspozita me materiale fotostatike të Skënderbeut do të hapet në bibliotekë”, ka thënë Gajraku.
Ndërsa Sazana Çapriqi, kryetare e Këshillit Drejtues të Bibliotekës Kombëtare, ka thënë se ky institucion përballet me probleme të infrastrukturës.
“ Akoma nuk ka arritur t’i le mbrapa disa probleme, akoma ballafaqohemi me planin e infrastrukturës, janë bërë disa përpjekje, por problemet nuk janë zgjidhur”, ka thënë Çapriqi.
