Kandidati i koalicionit AAK-LDD për kryetar të Prizrenit Lulzim Kabashi, u mirëprit nga anëtarët dhe simpatizantët e këtij koalicioni të lagjes “ Gani Çavdërbasha “ në Prizren.
Duke shpalosur platformën e tij zgjedhore për qeverisjen e komunës së Prizrenit gjatë katër viteve të ardhshme, Kabashi tha se qëllimi kryesor i platformës së tij zgjedhore është që të bëjë ndryshime në Prizren përmes zhvillimit ekonomik.
“Në kaudër të zhvillimit ekonomik të vendit, do të ketë investime edhe në sektorin e bujqësisë, në turizëm si dhe ndërtim”.Ai u zotua para elektoratit se qeverisja e koalicionit AAK-LDD, nuk do të jetë qeverisje e korruptuar.“Do ta luftojë kategorikisht korrupsionin dhe do të instaloj sistemin e vlerave në qeverisjen e ardhshme”
Ndërkaq, Fatmir Kastrati, kryetar i AAK-së në Prizren, tha se ky qytet kërkon ndryshime dhe mirëqeverisje. “Këto ndryshime dhe qeverisja e mirë do të ndodhë vetëm me menaxhimin e Komunës nga kryetari i ardhshëm i Prizrenit Lulzim Kabashi”. Në këtë tubim zgjedhor para anëtarëve dhe simpatizantëve të lagjes “ Gani Çavdërbasha “ janë prezantuar edhe kandidatët që garojnë për Asamblenë Komunale Ardita Ibrahimi dhe Haxhi Seferqaj./PrizrenPress.com/