Bedri Istrefi, kryeshef i Telekomit të Kosovës, u ka dhënë një lajm jo të mirë punëtorëve të saj në fillimin e vitit Vitit të Ri 2020. Duke u thirrë në një vendim të Bordit të Drejtorëve, menaxhmenti ka njoftuar punëtorët e Telekomit se prej janarit 2020 pagat e punëtorëve do të zvogëlohen për 10 për qind, raporton portali “Front Online”.
Portali “Front Online” ka siguruar njoftimin të cilin u ka dërguar të gjithë punëtorëve të kompanisë Menduh Abazi, drejtor i Deparmantit për Mardhënie me Publikun në Telekom, ku thuhet se kontratat e punës dhe gradat mbesin të njejta, por koficienti i secilës gradë për të gjithë punëtorët pa dallim zbritet për 10 për qind, përjashtuar pozitat e larta të parapara për Ligjin për Ndërmarrjet Publike, ku zbritja e koficientit aktual është për 20 për qind duke filluar nga data 01.01.2020.
Më poshtë mund ta gjeni njoftimin e plotë për ulje të pagave në Telekom:
Bazuar në gjendjen financiare të korporatës, aprovimin e biznesplanit për vitet 2020-2022 për buxhetin e planifikuar, kërkesës së menaxhmentit për aprovim të ndryshimeve në koficientin e pagave aktuale, si dhe shkurtimeve tjera buxhetore, Bordi i Drejtorëve i TK-së ka miratuar rregulloren për caktimin e koficientit të pagave.
Kontratat e punës dhe gradat mbesin të njejta, por koficienti i secilës gradë për të gjithë punëtorët pa dallim zbritet për 10 për qind, përjashtuar pozitat e larta të parapara për Ligjin për Ndërmarrjet Publike, ku zbritja e koficientit aktual është për 20 për qind duke filluar nga data 01.01.2020.
Ky ndryshim aplikohet për arsye se Telekomi i Kososovës ëstë duke u përballur me problem teknike dhe ka shkurtuar të gjitha shpenzimet tjera operative me qëllim të përmirësimit të shërbimit për konsumatorë.
Me përmirësimin e gjendjes Telekomi do t’i kthej koficientët në gjendjen e mëparshme.