Rahoveci ka shënuar fitoren e radhës në Superligë, duke mundur Lipjanin me rezultat 97:76 (22:12, 22:26, 29:18, 24:20) në kuadër të xhiros së 21-të të Superligës së Kosovës në basketboll.
Vreshtarët në palestrën pothuajse të mbushur e nisën më mirë ndeshjen, duke e fituar çerekun e parë 22:12, derisa mysafirët këndellen në periudhën e dytë, që e fitojnë 22:26. Perioda e tretë i takoi tërësisht vendasve, 29:18 dhe ajo e fundit përfundoi 24:20, derisa rezultati përfundimtar ishte 97:76 për Rahovecin.
Te Rahoveci u dalluan Darell Davis me 24 pikë dhe Joshua McFolley me 23, kurse te Lipjani më i miri ishte Tamas Bruce me 32 pikë e 11 kërcime.
Rahoveci ka 14 fitore dhe 5 humbje, kurse Lipjani një fitore dhe 18 humbje.