Liria e Prizrenit, njëra ndër skuadrat më me traditë në futbollin kosovar, është duke bërë përpjkje të mobilizohet në mënyrën më të mirë me qëllim për t’u rikthyer në Superligë.
Prizrenasit së fundi kanë bërë ndryshime në kryesinë e klubit dhe këtë e kanë njoftuar edhe në faqen e tyre zyrtare në Facebook.
“Pas një takimi me kryetarin e komunës së Prizrenit Mytaher Haskuka dhe për hirë të mosbllokimit dhe mbarëvajtjes së ecurive të klubit, si dhe emrit të madh të KF Liria, arritëm marrëvshje bashkëpunimi për të mirën e klubit dhe shtyerjes së proceseve drejt të vetmit qellim SUPERLIGËS.
Si rezultat i mledhjes ka ndryshime në udhëheqjen e klubit. Nga sot në pozitën e kryetarit të KF Liria do të jet Qemail Krasniqi ndërsa kryetari i deritanishëm Ilijaz Ilijazi do të jet në pozitën e nënkryetarit të klubit”, thuhet në njoftimin e Lirisë.
Stinorin pranveror, prizrenasit do ta nisin nga pozita e tretë me 26 pikë, dy më pak se Besa që kryeson renditjen.